Stefan Zweig, höfundur þessarar bókar, var einn kunnasti rithöfundur Evrópu á fyrri helmingi 20. aldar. Eftir hann liggja tugir verka en einna þekktastur er hann fyrir könnun sína á ævi frægra manna fyrri alda. Hann samdi mikið verk um Maríu Stúart og Maríu Antonette, en verk hans um lögreglustjóra Napoleons, Joseph Fouché, mun þó vera frumraun hans á sviði ævisagnaritunar.

Saga Josephs Fouché kom fyrst út á íslensku árið 1944 í þýðingu Magnúsar Magnússonar, ritstjóra Storms, og birtist nú í hljóðbókarformi í lestri Baldurs Trausta Hreinssonar. Saga Josephs Fouché, slátrarans frá Lyon, er markviss greining á ferli valdamikils stjórnmálamanns, refjum hans og undirferli, og spannar tímabilið allt frá árdögum frönsku byltingarinnar í lok 18. aldar til endiloka Napoleons keisara.

© 2020 Storyside (Hljóðbók): 9789180125208

Þýðandi: Magnús Magnússon

Útgáfudagur

Hljóðbók: 4 september 2020