Leyndarmálið okkar

Hver veit hvað gerist bak við luktar dyr – líka á heimilum þar sem allt virðist slétt og fellt á yfirborðinu?

Kvöld eitt kemur Anna-Karin Ehn ekki heim úr vinnunni. Daginn eftir finnst bíll hennar yfirgefinn við vegkant rétt fyrir utan bæinn Hagfors. Ummerki í bílnum gefa til kynna að konan hafi verið fórnarlamb glæps.

Blaðakonan Magdalena Hansson fer strax á stúfana ásamt lögreglumönnunum Petru Wilander og Christer Berglund. Við rannsókn málsins kemur ýmislegt upp á yfirborðið sem legið hefur í þagnargildi. Tengist það hvarfi konunnar?

Ninni Schulman starfaði við blaðamennsku áður en hún sló í gegn sem glæpasagnahöfundur í heimalandi sínu, Svíþjóð. Leyndarmálið okkar er þriðja bókin sem kemur út eftir hana á íslensku. Hinar eru Stúlkan með snjóinn í hárinu og Bara þú sem fengu frábærar viðtökur íslenskra lesenda.

„Ninni Schulman er fimur og fær sögumaður en spennan er auðvitað alltaf í fyrirúmi.“ Dagens Nyheter

„Mjög spennandi og góð glæpasaga.“ Östgöta Correspondenten

„Einn fremst glæpasagnahöfundur Svíþjóðar og skarpur samfélagsrýnir." Kristianstadsbladet

„Spennandi, vel skrifuð ... mjög, mjög góð bók. Ef þú hefur ekki lesið hana, gerðu það strax! Þú munt ekki sjá eftir því.“ Värmlands Folkblad

© 2021 Ugla útgáfa (Hljóðbók): 9789935213167
© 2021 Ugla útgáfa (Rafbók): 9789935215598

Þýðendur: Sigurður Þór Salvarsson

Útgáfudagur

Hljóðbók: 26 april 2021
Rafbók: 19 augusti 2021