Bróðir minn í 75 pörtum

Peter Richter Andersen var skotinn í höfuðið í sumarbústað foreldra sinna í litla hafnarbænum Faxe Ladeplads aðfaranótt 11. ágúst 2011. Líkið var bútað niður í 75 parta og dreift um lóðina. Höfuðið sjálft tróndi uppi á þaki. Litli bróðir Peters, Jesper Richter Andersen, er handtekinn fljótlega eftir að morðið á sér stað og er síðar dæmdur fyrir manndráp og afskræmingu á líkinu. Jesper hefur alla tíð haldið fram sakleysi sínu. Hann væri aðeins rangur maður á röngum tíma. Með vilyrði fjölskyldumeðlima og aðstandenda varpar fyrrverandi rannsóknarlögreglumaðurinn, Sebastian Richelsen, nýju ljósi á málið. Getur verið að staðhæfing Jespers um sakleysi sitt reynist sönn, sé málið skoðað í þaula? Og ef Jesper er ekki sá seki, hver myrti bróður hans þá? Aldrei tókst að sýna fram á nokkra ástæðu fyrir morðinu, verklagi lögreglunnar var sannast sagna ábótavant og mörgum spurningum við þetta mál er enn ósvarað. Enn fleiri kunna að vakna þegar þetta hryllilega sakamál er sett undir smásjánna á nýjan leik.

© 2025 Storytel Original (Hljóðbók): 9789180872782

Þýðendur: Arnór Ingi Hjartarson

Útgáfudagur

Hljóðbók: 7 april 2025