Ég elska þig meira en salt

Frá því að hlaðvarpið Flæðarmál sló í gegn hefur Sóley verið á höttunum eftir nýju efni til að fjalla um. Dag einn hefur ung kona samband og biður hana að rannsaka andlát litla bróður síns. Hún heldur því fram að móðir þeirra hafi ráðið honum bana. Það eina sem unga konan hefur í höndunum eru dagbækur móður sinnar frá níunda og tíunda áratugnum. Nú reynir á Sóleyju að komast að sannleikanum. En málið er flóknara en virðist við fyrstu sýn. Er ungu konunni treystandi? Hvað býr að baki ásökunum hennar? Hvað gæti hafa fengið móður til að skaða eigið barn? Ég elska þig meira en salt er þriðja skáldsagan eftir Sjöfn Asare, er grípandi og nútímalegur sálfræðitryllir sem heldur hlustendum spenntum fram á síðustu mínútu. Fyrsta skáldsaga Sjafnar, Flæðarmál, bar sigur úr býtum í handritasamkeppni Storytel árið 2020. Henni fylgdi hún eftir með bókinni Það sem þú þráir sem hlaut mikið lof og verðskuldaða athygli.

© 2024 Storytel Original (Hljóðbók): 9789180672948
© 2024 Storytel Original (Rafbók): 9789180672955

Útgáfudagur

Hljóðbók: 23 april 2024
Rafbók: 23 april 2024