Íslandsförin er skáldsaga sem lögð er í munn ungum enskum aðalsmanni sem heldur til Íslands á seinni hluta 19. aldar. Ferðin er ævintýraleg og ferðafélagarnir ekki síður: Vinurinn Cameron sem sveiflast milli aðdáunar og óbeitar á þessu fráleita landi, og Íslendingurinn Hólm sem hefur ótal járn í eldi og bregður sér hvorki við áföll né fjandskap, en er þó öðru fremur að leita stóru ástarinnar. Saman hitta þeir fræga Íslendinga eins og Jón Sigurðsson og Matthías Jochumsson, en líka alþýðufólk og einkennilega presta á torfarinni leið sinni til Heklu. Söguhetjan sér landið í ljóma hugsjóna sinna, en innra með sér veit hann samt að eitthvað persónulegra og leyndardómsfyllra dregur hann á vit þessa hrjóstruga eylands, og tengist uppruna hans og skelfilegum atburðum í fortíðinni.