81 Umsagnir
4.22
Tungumál
Íslenska
Flokkur
Skáldsögur
Lengd
13Klst. 32Mín

Þegar kóngur kom

Höfundur: Helgi Ingólfsson Lesari: Jóhann Sigurðarson Hljóðbók og Rafbók

Litrík og spennandi söguleg skáldsaga sem gerist við fyrstu konungskomu til Íslands 1874. Ung stúlka finnst myrt á komudegi konungs og barn hennar er horfið. Rannsókn málsins verður að fara fram í kyrrþey svo ekki hljótist hneykslan af og sjá Jón Borgfjörð, lögregluþjónn bæjarins, og Jón Hjaltalín, landlæknir, um hana. Þeim til fulltingis er skólapilturinn og sögumaður bókarinnar, Móritz. Við sögu kemur fjöldi þjóðþekktra manna, svo sem Matthías Jochumsson, Sigurður málari, Steingrímur Thorsteinsson, Gestur Pálsson og Sæfinnur á sextán skóm. Bókin hlaut Blóðdropann – verðlaun Hins íslenska glæpafélags árið 2010.

Helgi Ingólfsson (f. 1957), rithöfundur og menntaskólakennari, hefur skrifað um tug skáldsagna, auk ljóðabóka, smásagnasafns og annarra bóka. Meðal skáldsagna hans eru Letrað í vindinn – Samsærið sem hlaut Bókmenntaverðlaun Tómasar Guðmundssonar 1994 og gamansagan Andsælis á auðnuhjólinu, en eftir þeirri bók var gerð kvikmyndin Jóhannes með Ladda í aðalhlutverki.

„Ein albesta íslenska skáldsaga síðustu ára ... Heillandi skáldverk sem sogar lesandann inn í hugarheim 19. aldar og heldur honum þar föngnum ... Lesandanum finnst hann vera lentur í tímavél ...“ – Hallgrímur Helgason
„Stórskemmtileg bók – spennandi morðgáta.“ – Sigurður G. Tómasson
„Frumlegasti krimminn ... vel samin ... og frábærlega undirbyggð saga með merkilegri mannlífslýsingu ... bregður leiftrandi ljósi á Reykjavík og bæjarbúa þessa tíma.“ – Páll Baldvin Baldvinsson

© 2022 Ugla útgáfa (Hljóðbók) ISBN: 9789935217561 © 2022 Ugla útgáfa (Rafbók) ISBN: 9789935216212

Skoða meira af