Bók breska sagnfræðingsins Nialls Ferguson, prófessors við Harvard-háskóla, The Ascent of Money – A Financial History of the World (Peningarnir sigra heiminn – Fjármálasaga veraldarinnar), er mest selda harðspjaldabók sem Penguin-útgáfan á Bretlandi hefur gefið út. Bókin fékk strax geysigóðar viðtökur austan hafs og vestan og hefur síðan verið þýdd á fjölda tungumála. Vinsælir sjónvarpsþættir hafa verið gerðir eftir fyrri bókum Niall Ferguson svo sem Empire og The War of the World.

Peningarnir sigra heiminn þykir afburða góð lýsing á mætti peninganna í sögu mannsins frá upphafi vega. Í bókinni er því m.a. lýst hvernig fjármál koma við sögu í helstu atburðum mannkynssögunnar. Ferguson skýrir t.d. hvernig franska byltingin á upptök sín í hlutabréfabólu, hvernig fjármálamistök breyttu Argentínu úr sjötta ríkasta landi heims í verðbólguviðundur og hvernig fjármálabylting hefur umbreytt fjölmennasta ríki heims á fáum árum úr þriðja heims ríki í stórveldi. Ekki síst þykir bókin geyma glögga lýsingu á fjármálakreppunni sem skall á fyrir ári síðan.

Bókin kom fyrst út sumarið 2008 en eins og ráða má af frásögn hennar sá Ferguson fyrir hvað var í vændum. Hann skrifaði nýjan inngang að bókinni fyrir kiljuútgáfu hennar þar sem hann tók mið af því sem gerðist haustið 2008. Íslenska þýðingin er gerð eftir þeirri útgáfu.

© 2018 Storyside (Hljóðbók): 9789178597475

Þýðandi: Elín Guðmundsdóttir

Útgáfudagur

Hljóðbók: 30 november 2018