Erlendur er á æskuslóðum sínum austanlands og fortíðin sækir á: atvik úr hans eigin lífi sem og önnur óleyst og óuppgerð mál. Fyrir mörgum áratugum urðu þarna skelfilegir atburðir þegar stór hópur breskra hermanna lenti í óveðri í fjöllunum. Sumir komust til byggða við illan leik, aðrir ekki. En samtímis hvarf ung kona á sama stað og fannst aldrei. Saga hennar vekur forvitni Erlendar sem þyrstir ákaft í svör við gátum fortíðar. Furðustrandir er fjórtánda skáldsaga Arnaldar Indriðasonar og tvímælalaust ein þeirra bestu. Arnaldur er margverðlaunaður höfundur og gagnrýnendur skipa honum iðulega á bekk með fremstu spennusagnahöfundum heims. Bækur hans hafa verið þýddar á tugi tungumála og víða komist í efstu sæti metsölulista. Á Íslandi hafa viðtökurnar jafnan verið frábærar.

© 2011 Skynjun (Hljóðbók): 9789935180049
© 2021 Vaka-Helgafell (Rafbók): 9789979224266

Útgáfudagur

Hljóðbók: 1 december 2011
Rafbók: 15 februari 2021