Jónas Sveinsson var þjóðkunnur maður og einn litríkasti persónuleiki síns tíma. Hann var hinn mesti atorku- og athafnamaður með ríkan áhuga á flestum þeim málum, sem landi og þjóð máttu að gagni verða. Hann lét sig varða listir, viðskipti og atvinnumál engu síður en læknisfræðina, og þegr hann skrifaði í blöð, kom í ljós, að hann var með ritfærustu mönnum fyrir hugkvæmni sína, áhuga og gamansemi. Og fyrir skýran og fjörlegan stíl. Hann gat líka sagt manna best frá, svo að tal hans leiftraði af lífstrú og samúð með manninum. Allir þessir eiginleikar og margir fleiri kostir njóta sín í hinum fjölbreyttu og einkar mannlegu og mannúðlegu endurminningum hans. Að sjálfsögðu fjalla þessar endurminningar mikið um læknisstörf Jónasar Sveinssonar og segir hér vissulega frá mörgum einkennilegum og eftirminnilegum viðburðum og margs konar læknisvanda frá langri þjónustu læknisins bæði úti á landi og í höfuðstaðnum. En hvort sem hann er að lýsa læknisstörfum sínum eða athafnalífi í viðskiptum og útgerð er heillandi að kynnast bjartsýni hans, hugrekki og karlmennsku – og stundum strákalukku, sem fyrir kom að hann þurfti á að halda. Hver kafli er sögulegur á sinn hátt og mætti minna á frásögnina af yngingartilraunum læknisins, þegar hann sat á Hvammstanga, og frægar urðu um heim. Eða lýsingar á hrollvekjandi reimleikum. En auðvitað gerir lesandinn upp við sjálfan sig, hvaða kaflar honum þyki bestir, enda ólíklegt, að hann hætti hlustun áður en henni lýkur.

© 2022 Storyside (Hljóðbók): 9789180438810
© 2022 Storyside (Rafbók): 9789180438827

Útgáfudagur

Hljóðbók: 7 januari 2022
Rafbók: 5 juli 2022