Uppgjör

Jack Reacher er oftast einn á ferð og enginn segir honum fyrir verkum. En þegar félagar úr hernum biðja um aðstoð eftir furðulegt banatilræði við Frakklandsforseta flýgur hann yfir hafið, og í París hefst leit að tilræðismanninum. Sem gæti mjög vel verið gamall kunningi. Eða reyndar fjandmaður. Og heimsins besta skytta.

París reynir á þolrifin og skotmaðurinn kemst undan. Í London er leiðtogafundur í uppsiglingu og allir á nálum þar sem leyniskytta gengur laus. Og þangað heldur Reacher — nú í fylgd Casey Nice, ungrar konu sem á að aðstoða hann. Eða líta eftir honum. Saman eru þau magnað teymi, en liðið sem þau eiga í höggi við er sannarlega ekkert að grínast.

Lee Child er meistari spennusögunnar og hefur skrifað fjölda geysivinsælla bóka um Reacher, harðjaxl allra harðjaxla. Uppgjör er sú ellefta sem kemur út á íslensku.

© 2023 JPV (Hljóðbók): 9789935294685
© 2023 JPV (Rafbók): 9789935118851

Þýðandi: Björn Garðarsson

Útgáfudagur

Hljóðbók: 6 november 2023
Rafbók: 6 november 2023