Árið 1983 deyja tveir starfsmenn á berklahæli skammt frá Akureyri og er ljóst að andlát þeirra bar ekki að með eðlilegum hætti. Ungur afbrotafræðingur vinnur að lokaritgerð um þetta undarlegta mál árið 2012 og kemur þá ýmislegt óvænt í ljós um þessa skelfilegu atburði. Samhliða rannsókninni þarf hann að takast á við erfiðleika í einkalífi sínu - erfiðleika sem þola illa dagsins ljós. Ragnar Jónasson er einn fremsti spennusagnahöfundur Norðurlanda. Bækur hans eru gefnar út á um þrjátíu tungumálum. Þær hafa setið vikum saman í efstu sætum metsölulista víða um heim og selst í tæplega tveimur milljónum eintaka.