Fjórða bókin í hinni vinsælu Neshov-seríu, í frábærum lestri Margrétar Örnólfsdóttur.

Þegar Torunn flúði frá Neshov skildi hún Tormod einan eftir, manninn sem hún kallaði afa en var í raun föðurbróðir hennar. Nú hefur hún búið fyrir sunnan með Christer í rúm þrjú ár en er ekki hamingjusöm. Liggur þá ekki beint við að hverfa aftur til Neshov? Býlið er hennar eign og nú í eyði … Í Kaupmannahöfn hafa Krumme og Erlend eignast þrjú börn og hugsa sjaldan til Noregs. Tormod gamli er ánægður á elliheimili í Þrándheimi og þar rekur Margido líka útfararþjónustu sína. Þeim bregður í brún þegar Torunn birtist aftur án þess að gera boð á undan sér. En bíður hennar betra líf á gamla býlinu – og verða henni fyrirgefin svikin forðum?

Ævinlega fyrirgefið er framhald sögunnar sem hófst í Berlínaröspunum og vinsæl sjónvarpsþáttaröð var gerð eftir. Anne B. Ragde er einn mesti metsöluhöfundur Norðmanna en bækur hennar hafa komið út víða um lönd og hlotið feikigóðar viðtökur.

Silja Aðalsteinsdóttir þýddi.