Fram til ársins 2013 hafði tuttugu og ein kona gegnt ráðherraembætti á Íslandi. Í bókinni birtast ítarleg viðtöl við tuttugu þeirra. Ráðherrarnir tuttugu, sem eru fulltrúar þriggja kynslóða kvenna, veita lesendum innsýn í líf sitt og deila reynslu sinni af þátttöku í íslenskum stjórnmálum. Sú fyrsta, Auður Auðuns, lést árið 1999 og er bókin tileinkuð minningu hennar. Viðmælendur greina á einlægan og opinskáan hátt frá uppvexti sínum og mótunarárum, lífssýn og viðhorfum til leiðtogahlutverksins og segja frá ýmsu sem ekki hefur komið fram opinberlega áður. Þær voru sammála um að baráttan í stjórnmálunum væri hörð en þær voru stoltar af verkum sínum og þeim breytingum sem þær höfðu staðið fyrir. Í lokakafla bókarinnar er samantekt höfunda þar sem sýnt er hvernig saga þessara kvenna endurspeglar þær samfélagsbreytingar sem hafa átt sér stað á undanförnum áratugum. Mynd framan á kápu er af kjól ráðherra og er tekin út um glugga fjármálaráðuneytisins á þingsetningardegi 1. ágúst 2012.

© 2020 Lesbók (Hljóðbók): 9789935222527

Útgáfudagur

Hljóðbók: 28 september 2020