Íslenskir sjónvarpsáhorfendur trúa ekki sínum eigin augum. Hvað er að gerast? Er landskunn þáttagerðarkona myrt í beinni útsendingu? Og hver er þar að verki? Sú sem er grunuð leitar ásjár hjá Stellu Blómkvist, lögfræðingnum sem lætur sér fátt fyrir brjósti brenna. En þeir eru fleiri sem leita til hennar. Fyrir bragðið er Stella flækt í mál sem tengjast bókmenntaheiminum, sjónvarpinu, nýbúum, kynlífsþrældómi, valdamönnum en umfram allt: henni sjálfri, meira en hún kærir sig um. Er málið að vaxa Stellu yfir höfuð?

Hér er önnur bókin um háskakvendið Stellu Blómkvist komin á hljóðbók í frábærum lestri Anítu Briem. Aðdáendur Stellu eiga von á góðu því að öll serían verður fáanleg á Storytel.