Steingeitin Nanna lifir og starfar í músík og þegar bandarísk pennavinkona hennar frá barnsaldri býður henni til Los Angeles gat það ekki komið á betri tíma, þar sem mesta óreiða ríkti bæði í starfi hennar og einkalífi og ekki vanþörf á fríi. En Nanna lendir í enn meiri músík og hittir aðra músíksteingeit í næsta húsi, ótrúlegustu hlutir gerast og fríið verður óraunverulegra með hverjum deginum innan um fræga og ríka fólkið. Henni líður eins og Öskubusku þarna, nýtur takmarkaðs tíma síns og verður jafnvel örlítið fræg ... en hvernig slítur maður sig frá svona lífi. Gömul og langlíf ást er með í spilinu en verður æ vonlausari ...