Handritagildran: Bókaþjófurinn kjöldreginn – 2. hluti

Síðustu misseri hefur dularfullur aðili valdið usla í íslenskri bókaútgáfu. Hann hefur sett sig í samband við landsþekkta rithöfunda og aðra sem tengjast íslenskri bókaútgáfu, í þeim tilgangi að stela handritum að nýjum bókum. Þegar rithöfundinum Friðgeiri Einarssyni varð ljóst að hann væri nýjasta skotmark hins alræmda þrjóts ákvað hann að taka málin í eigin hendur. En mitt í rannsókn Friðgeirs var 29 ára Ítali handtekinn í New York, fyrir glæpi hins íslenskumælandi bókaþjófs. Við handtökuna vöknuðu fleiri spurningar en svör. Hver er bókaþjófurinn, og hvað vill hann? Í öðrum hluta segir Friðgeir frá næstu tilraun bókaþjófsins til þess að klekkja á honum með því að bregða sér í gervi þjóðþekkts höfundar. Friðgeir hefst handa við að leita svara og kemur ekki að tómum kofanum, en kenningar um þjófinn eru hreint ekki af skornum skammti. Er bókaþjófurinn njósnari innan bókabransans? Á hann sér vitorðsmenn á Íslandi? Notar Hallgrímur Helgason í alvöru ennþá hotmail? Handritagildran: Bókaþjófurinn kjöldreginn er ný hljóðsería úr smiðju Storytel Original, eftir rithöfundinn Friðgeir Einarsson.

© 2022 Storytel Original (Hljóðbók): 9789180354318

Útgáfudagur

Hljóðbók: 12 april 2022