Á grófri upptöku úr eftirlitsmyndavél sést hvar maður gengur inn í banka og beinir byssu að höfði eins gjaldkerans. Hann skipar konunni að telja upp að tuttugu og fimm. Þegar hann hefur ekki fengið peningana afhenta innan þess tíma er hún hiklaust tekin af lífi.

Rannsóknarlögreglumanninum Harry Hole er falið að rannsaka málið. Á meðan unnusta hans er í Rússlandi hefur gömul kærasta samband við hann og eftir kvöldverð heima hjá henni vaknar Harry upp án þess að muna nokkuð frá síðustu klukkustundum. Um morguninn finnst stúlkan látin í rúmi sínu og fljótlega fara Harry að berast skuggalegir tölvupóstar. Er verið að reyna að koma á hann sök á láti hennar? Meðan Harry berst við að hreinsa mannorð sitt halda bankaránin áfram með fordæmalausum óhugnaði …

Nemesis er fjórða bókin um Harry Hole, breyska lögreglumanninn sem glæpasagnaaðdáendur fá ekki nóg af. Serían hefur sannarlega skipað Jo Nesbø fastan sess í hópi vinsælustu höfunda heims og er nú öll væntanleg á Storytel.