Einar Kárason hefur sagt frá ótal skringilegum og skemmtilegum karakterum alveg síðan hann hóf höfundarferil sinn. Nú er komið að honum sjálfum. Í nokkrum gullvægum köflum segir hann sögur úr eigin lífi, dramatískar sögur af brogaðri skólagöngu sinni og félagsmálastússi á fullorðinsárum, gráthlægilegar sögur af afskiptum sínum af kvikmyndum, dásamlegar sögur af „jólunum á Hrauninu“, misjafnlega þroskavænlegri sumarvinnu og köttunum sínum fjórum. Einar opnar hér af fágætri hreinskilni og einlægni dyrnar að lífi sínu, hugmyndum og hugsjónum, og fetar öruggur í fótspor þeirra fjölmörgu rithöfunda sem hafa skrifað dýrmætar bækur, jafnvel sínar bestu, um eigin ævintýri.