Einn síðsumardag finna þýskir ferðamenn lík í Drekkingarhyl í Öxará. Það reynist vera af ungri stúlku af kúrdískum uppruna. Strax vakna grunsemdir um að þarna sé um að ræða svokallað heiðursmorð og grunur fellur á föður stúlkunnar. Hin eitursnjalla en kræfa Stella Blómkvist er kölluð á vettvang.

Hér er fimmta bókin um háskakvendið Stellu Blómkvist komin á hljóðbók í frábærum lestri Anítu Briem. Aðdáendur Stellu eiga von á góðu því að öll serían verður fáanleg á Storytel.