474 Umsagnir
4.07
Seríur
Hluti 2 af 3
Tungumál
Íslenska
Flokkur
Glæpasögur
Lengd
12Klst. 48Mín

Náttbál

Höfundur: Johan Theorin Lesari: Jóhann Sigurðarson Hljóðbók og Rafbók

Þegar fárviðrið, sem heimamenn nefna bálið, gengur yfir Öland er öllum hollast að halda sig innandyra. Með norðanstorminum berst ís, snjór og þoka sem soga í sig allt sem fyrir verður. Gamla vitavarðarbýlið við Åluddden hefur staðið autt árum saman við sjálfvirka vitana. Sagt er að reisuleg húsin hafi verið byggð úr timburfarmi skips sem strandaði þar eitt sinn í bálinu. Katrine og Joakim Westin eru orðin leið á að búa í Stokkhólmi, kaupa býlið og flytja með börnin sín tvö til Åludden. Þau eru vön að gera upp gömul hús og laus við alla hjátrú. En eftir að þau eru flutt heyra þau hrollvekjandi sögusögn: að þeir sem dáið hafa við Åludden snúi þangað aftur um hver jól.

Líkt og Hvarfið er Náttbál ógleymanleg lesning; allt í senn sakamála saga, draugasaga og fjölskyldudrama þar sem sérkennilegar persónur og heillandi umhverfi sameinast í harmræna og spenn­andi fléttu.

Náttbál, önnur bókin í Öland-sagnabálkinum, hefur hlotið einróma lof og verið þýdd á fjölda tungumála. Bókin hlaut m.a. Norrænu glæpa sagnaverðlaunin, Glerlykilinn, 2009. Fyrsta bókin í Ölands-bálkinum, Hvarfið, sem kom út á íslensku 2010, hlaut ensku CWA John Creasey (New Blood) Dagger-verðlaunin árið 2009.

Anna R. Rögnvaldsdóttir þýddi

„Höfundur í heimsklassa.“ – Crimezone.nl
„Ef þú hrífst af Stig Larsson ættir þú að prófa Johan Theorin sem er miklu betri sænskur höfundur.“ – The Observer

© 2022 Ugla (Hljóðbók) ISBN: 9789935217349 © 2022 Ugla útgáfa (Rafbók) ISBN: 9789935216120 Þýðandi: Anna R. Rögnvaldsdóttir

Skoða meira af