Skerið 4 – Langt frá því að vera eðlilegur bær

Hér er kominn fjórði hluti í Skerinu! Ási er eins og nýsleginn túskildingur og aðlagar sig að staðarháttum. Allir syngja kúmbæja og leyndarmál eyjunnar brjótast upp á yfirborðið. *** Þegar Ási vaknar einn og yfirgefinn á hótelherbergi eftir fyllerí er hann rólegur í fyrstu. Staðráðinn í að njóta lífsins á Tene með Pésa vini sínum heldur hann út í daginn, en gamanið fer fljótlega að kárna. Pési er horfinn, Ási er alls ekki svo viss um að hann sé ennþá á Tene, og eyjan sem hann virðist ekki komast af á sér dularfulla fortíð. Leit Ása að svörum leiðir yfirleitt til fleiri spurninga, en eitt er ljóst: Ási er í mikilli hættu. Skerið er hljóðsería í sex hlutum þar sem farið er með hljóðbókarformið á næsta stig og engu er til sparað. Við stígum inn í hljóðheim Ása og fylgjum honum eftir í sannleiksleit sinni. Haraldur Ari Stefánsson er Ási, en með önnur hlutverk fara Jóhanna Friðrika Sæmundsdóttir sem Hildur, Guðmundur Ingi Þorvaldsson sem Leifur, Stefán Hallur Stefánsson sem Eyvindur og Svandís Dóra Einarsdóttir sem Rebekka. Höfundar Skersins eru Áslaug Torfadóttir og Ragnar Egilsson. Skerið var sigurvegari Eyrans, hugmyndasamkeppni Storytel, árið 2021.

© 2022 Storytel Original (Hljóðbók): 9789180358286

Útgáfudagur

Hljóðbók: 4 juli 2022