Í smábænum Eyrarvík norður í landi þekktu flestir flesta um miðja síðustu öld og oft með leynd. Upp úr slíku spruttu oft miklar fjölskylduflækjur, með ótrúlegustu afleiðingum. Unglingarnir Svala og Siggi tóku áskorun sem varð svo örlagarík að hún breytti lífi þriggja kynslóða og leiddi sitthvað í ljós sem annars hefði legið í þagnargildi áfram. Ástir kviknuðu á víxl og misvíxl í kunningjahópnum og inn í allt blönduðust enn afleiðingar stríðsins og breyttu stefnu margra ...
Vert er að taka fram að hér er saga sem lýsir viðhorfum fyrri tíma og ólíkum tíðaranda hvað viðkemur samskiptum kynjanna.
Guðbjörg Hermannsdóttir (1917–1997) ólst upp í stórum systkinahópi á Bakka við Húsavík. Hún giftist Braga Guðjónssyni klæðskerameistara (1917–1983). Þau bjuggu alla tíð á Akureyri og eignuðust fimm börn. Meðal þeirra er Snjólaug Bragadóttir, rithöfundur og þýðandi.
Ljóst er að sjaldan fellur eplið langt frá eikinni, en ástarsögur Snjólaugar hafa notið gríðarlega vinsælda hjá hlustendum Storytel. Hér má því finna einstakt tækifæri til að kynnast íslenskri sveitarómantík eftir móður höfundarins sem færði okkur Ráðskona óskast í sveit, Undir merki steingeitar, Setið á svikráðum og fleiri dásamlegar sögur.
