Vorið 1976 eru lík Geirfinns og Guðmundar enn ófundin. Engin áþreifanleg sönnunargögn hafa fundist. Ungmennin eru enn í haldi lögreglunnar, sökuð um aðild að morði Guðmundar. Málið er á allra vitorði og spjótin beinast jafnt að sakborningum og lögreglunni. Farið er að hrikta í íslenskum stjórnmálum vegna þess og dómsmálaráðherra leitar út fyrir landsteina eftir aðstoð. Fyrrum foringi vestur-þýsku leynilögreglunnar kemur til sögunnar. Árið 1996 dregur ungi blaðamaðurinn málið fram í dagsbirtuna og spyr hættulegra spurninga sem kunna að hafa eftirmála.

Í hljóðseríunni Réttarmorð hverfur Sigursteinn Másson aftur til ársins 1974 og sökkvir sér að nýju í Guðmundar- og Geirfinnsmálin. Á sinn einstaka hátt dregur maðurinn á bakvið Sönn íslensk sakamál fram í dagsbirtuna þessi dularfullu mannshvörf og rannsókn lögreglunnar á þeim, réttarmorðið á ungmennunum sex og baráttu þeirra fyrir réttlætinu.

© 2023 Storytel Original (Hljóðbók): 9789180673952

Útgáfudagur

Hljóðbók: 23 oktober 2023